Na Said Mwishehe, Globu ya jamii
BARAZA
la Taifa la Elimu ya Ufundi(NACTE)limetengaza kufuta usajili wa vyuo 20
baada ya kubaini vimeshindwa kufuata tararibu zinazoendana na matakwa
ya usajili wa vyuo hivyo.
Akizungumza
leo jijini Dar es Salaam Kaim Katibu Mtendaji wa NACTE Dk.Adolf
Rutayunga amesema uamuzi huo umefikiwa kwa kuzingatia kifungu cha 20 cha
kanuni za usajili wa vyuo vya ufundi 2001.
Amesema
vyuo ambavyo vimefutiwa usajili tayari baraza limeshaviandikia barua
vyuo husika kuvitaka vihakikishe kuwa wanafunzi waliko kwenye programu
zinazotolewa na vyuo hivyo wanahamia kwenye vyuo vingine vilivyosajiliwa
na baraza kutoa programu kama hizo.
Amevitaja
vyuo vilivyofutiwa usajili ni Covenant College of Business Sdudies(Dar
es Salaam), Mugerezi Spatial Technology College(Dar es Salaam),Techno
Brain(Dar es Salaam), DACICO Institute of Business and
Management(Sumbawanga) na Arusha Institute of Technology (Arusha).
Vyuo
vingine ni Lisbon Business Collage(Dar es Salaam), PCTL Training
Institute(Dar es Salaam), Royal College of Tanzania(Dar es Salam),
Iringa RETCO Business College(Iringa) na Highlands Health
Instutute(Njombe).
Vyuo
vingine ni East African Institute of Entrepreneurship and Finacial
Management(EAIEFM) (Arusha), Musoma Utali Collage (Shinyanga) na Mlimani
School of Professional Studies(Dar es Salaam).
Pia
kuna chuo cha Dinobb Institute of Science and Business
Technology(Mbeya), Institute of Social Work(Mbeya), Regency School of
Hygiene (Dar es Salaam), St.Peters College of Health Sciences(Dar es
Salaam), Genesis Institute of Social Science(Dar es Salaam), Institute
of Management and Information Technology(Dar es Salaam) na Boston City
Campus of Business College(Dar es Salaam).
Pia
Dk. Rutayunga amesema mbali ya kufuta usajili kwa vyuo hivyo
wamesitisha program zisizoidhinishwa na baraza ambapo vyuo vitatu
vimefutiwa programu.
Amefafanua
kabla ya kuanza kuendesha mafunzo ya kozi yoyote ,chuo kinatakiwa
kuhakikisha kuwa mtaala wa mafunzo hayo umepitishwa na baraza na idara
itakayosimamia mafunzo hayo imekaguliwa na kuonekanwa kuendesha mafunzo
hayo katika ngazi husika.
Amesema
vyuo vitatu ambavyo ni Quality Development College (Masasi)kimefutiwa
programu ya Medical Attendent, St.Glory Nursing School (Dar es salaam)
wamefutiwa program ya Medical Attendant and Medical Labaratory Sciences
na chuo cha Lake Victoria Disability Medical Training Centre(Mwanza)
wamefutiwa program ya Nursing and Midwifery.
Wakati
huohuo amesema jumla ya vyuo tisa vimesitishwa kudahili wanafunzi wapya
kuanzia mwaka wa masomo 2018/2019.Uamuzi huo umefikiwa kwa kuzingatia
kifungu cha 22(1) cha kanuni za usajili wa vyuo vya ufundi,2001.
Amesema
wanafunzi waliopo waliodahiliwa kwenye vyuo hivyo wanaruhusiwa
kuendelea na masomo kama kawaida mpaka watakapohitimu mafunzo yao.
Amevitaja
vyuo ambavyo vimesimamishwa kudahili ni Montfort Business College (Dar
es Salaam), Institute for Environment and Development Sustainability(Dar
es Salaam) na Songea Clinical Assintant Training Centre(Songea).
Pia
chuo cha Institute of Continuing and Professional
Studies(Zanzibar),Tanzania Institute for Trade and Investment(Dar es
Salaam), Institute of Research and Innovation Zanzibar(Zanzibar), Silva
Business and Management(Dar es Salaam), Mbeya Polytechnic College(Tukuyu
Campus) na Earth Science Institute of Shinyanga(Shinyanga).
Kaimu
Katibu Mtendaji wa NACTE Dk. Adolf Lutayunga akizungumza na waandishi
wa habari leo katika makao makuu ya NACTE Mwenge jijini Dar es salaam
wakati akitangaza kufuta vyuo 20 vya ufundi ambavyo havijakidhi viwango
na taratibu za usajiri uendeshaji wa vyuo nchini vya ufundi nchini
kutoka kulia ni Dk. Marcelina Aloyce Baitilwake na Dk. Gema Modu
Mkurugenzi wa Ushauri na Malezi ya Vyuo kulia ni Mr. Twaha A. Twaha Mkuu
wa Kitengo cha Udahili NACTE.
No comments:
Post a Comment