Pages

April 25, 2018

RAIS DKT.MAGUFULI ANATARAJIWA KUWA MGENI RASMI MAADHIMISHO UHURU WA HABARI NCHINI


Na Agness Francis, Blogu ya Jamii
RAIS wa Serikali ya Awamu ya Tano Dk. John Mgufuli  kuwa mgeni rasmi katika maadhimisho ya uhuru wa habari  Nchini ambayo kitaifa yatafanyika Mkoani Dodoma  Mei 2 hadi 3  mwaka huu ikiwa ndio kilele chake na kauli mbiu inasema  ni wajibu wa Serikali vyombo vya habari haki na utawala wa sheria.

Ambapo  wageni  zaidi ya 300 wanatajiriwa kuhudhuria  hafla hiyo wakiwepo wadau , wanahabari  ,wabunge na taasisi mbalimbali ambapo kimataifa Afrika  inafanyika Nchini Ghana Accra zaidi ya nchi 100  zitawakilisha katika hafla hiyo.

Akizungumza  jjjini Dar es Salaam Mwenyekiti wa Taasisi  ya vyombo vya habari Kusini mwa Jangwa la Sahara Salome Kitomari amesema katika siku hizo watazungumzia umuhimu wa  uhuru wa habari, utawala bora kwa waandishi wa habari na  wanasheria kama Mahakama kuwa na uhuru  wa kusimamia kesi za jinai za kuwa na uwazi kwa wanahabari vilevile na kukumbusha kutekeleza majukumu katika  uandikaji wa habari kuwa sahihi.

Aidha Makamo wa Rais wa Umoja wa Klabu za waandishi wa habari Jane Mihanji amesema wao wamekuwa na jukumu la kuwaweka pamoja waandishi wa  habari  na kuwapa mafunzo na  kuwapatia  vitendea kazi.

Ametaja baadhi ya vitendea kazi hivyo ni kamera na kompyuta  ili kurahisishia majukumu yao ya kuhabarisha umma ambapo amesisitiza kutokana na uhaba wa vyumba vya habari  mikoani  inakuwa vigumu kupata stori kutoka nje ya Dr es Salaam.Hivyo amesema wamewajengea uwezo  wa mafunzo  ili kuhakikisha mazingira ya kazi yanakuwa rafiki katika utendaji.

"Tumeshuhudia stori ikiwa inatoka lakini katika kufufua maovu yanayotendeka  inaleta  misukosuko, hivyo tunaomba Serikali kuwajibika kufanya kazi yake kwenye upande wa haki na waandishi wa habari kutoa taarifa bila kupendelea mtu na kutoa chukua rushwa,"amesema Mahinja.

Mkurugenzi wa  Tanzania Media Foundation (TMF) Fausta Musokwa amesema watashirikiana na wadau wengine kwenye tasnia ya habari kuadhimisha siku hiyo umuhimu na wapo kwa ajili ya kuimarisha vyombo vya habari vinafanya kazi katika mazingira rafiki na kuhakikisha wanahabari kutoa taarifa makini zenye ubora  kwa  jamii.

Kwa upande wa Ofisa habari wa Umoja wa  Wataifa (UN) Stella Vuzo amesema kwa sasa umoja huo unatekeleza maendeleo  endelevu ifika 2030 kila nchi hupaswa kuelezea namna gani imetekeleza hilo lengo na kuhakikisha kuwepo na ushirikiano kwa wanahabari kusaidia kupata taarifa mbali mbali .
Mwenyekiti wa MISA Tanzania Bi. Salome Kitomari akizungumza na waandishi wa habari kuhusu maandalizi ya maadhimisho ya uhuru wa habari  Nchini ambayo kitaifa yatafanyika Mkoani Dodoma  Mei 2 hadi 3  mwaka huu na kauli mbiu inasema  ni wajibu wa Serikali vyombo vya habari haki na utawala wa sheria.
Makamu wa Rais wa  Umoja wa Klabu za Waandishi wa Habari Tanzania (UTPC), Jane Mahanji akizungumza na waandishi wa habari namna wanavyokwenda begakwabega na waandishi kwa kuto semina ili kutoa habari zenye faida kwa Taifa.
Mkurugenzi wa  Tanzania Media Foundation (TMF) Fausta Musokwa akizungumza na waandishi wa habari wanavyochangia kwa kiasi kikubwa vyombo vya habari kwa kutoa pesa ili vyombo hivyo vijiendeshe.
Afisa Habari wa Kituo cha Habari cha Umoja wa Mataifa (UNIC), Stella Vuzo akizungumza na waandishi wa habari kuhusuumoja wa Mataifa unavyodhamini mchango mkubwa wa waandishi wa habari wakati wa mkutano na waandishi wa habari kuelekea siku ya uhuru wa vyombo vya habari hapa nchini.

RAIS DKT. MAGUFULI AHUTUBIA BUNGE LA AFRIKA MASHARIKI (EALA) KATIKA UKUMBI WA MSEKWA MJINI DODOMA

 Rais wa Jamhuri ya Muungano wa Tanzania Dkt. John Pombe Magufuli akikagua gwaride lililoandaliwa na Jeshi la Polisi mara baada ya kuwasili katika viwanja vya Bunge kwa ajili ya kuhutubia Bunge la Afrika Mashariki (EALA) linalofanyika kwa mara ya kwanza katika makao makuu ya Serikali mjini Dodoma Aprili 24, 2018 
 Rais wa Jamhuri ya Muungano wa Tanzania Dkt. John Pombe Magufuli akisalimiana na Spika wa Bunge la Afrika Mashariki Mhe. Martin Ngoga mara baada ya kuwasili katika viwanja vya Bunge kwa ajili ya kuhutubia Bunge la Afrika Mashariki linalofanyika kwa mara ya kwanza katika makao makuu ya Serikali mjini Dodoma.
 Rais wa Jamhuri ya Muungano wa Tanzania Dkt. John Pombe Magufuli akisalimiana na Spika wa Job Ndugai baada ya kuwasili katika viwanja vya Bunge kwa ajili ya kuhutubia Bunge la Afrika Mashariki linalofanyika kwa mara ya kwanza katika makao makuu ya Serikali mjini Dodoma.
 Rais wa Jamhuri ya Muungano wa Tanzania Dkt. John Pombe Magufuli akisalimiana na Katibu Mkuu wa EAC Liberat Mfumukeko katika viwanja vya Bunge kabla ya kuhutubia Bunge la Afrika Mashariki linalofanyika kwa mara ya kwanza katika makao makuu ya Serikali mjini Dodoma.
 Rais wa Jamhuri ya Muungano wa Tanzania Dkt. John Pombe Magufuli akisalimiana na Katibu wa EALA Kenneth Mdete katika viwanja vya Bunge kabla ya kuhutubia Bunge la Afrika Mashariki linalofanyika kwa mara ya kwanza katika makao makuu ya Serikali mjini Dodoma.
 Rais wa Jamhuri ya Muungano wa Tanzania Dkt. John Pombe Magufuli akiongozana na Spika wa Bunge la Afrika Mashariki Mhe. Martin Ngoga katika viwanja vya Bunge tayari kuhutubia Bunge la Afrika Mashariki linalofanyika kwa mara ya kwanza katika makao makuu ya Serikali mjini Dodoma.
 Rais wa Jamhuri ya Muungano wa Tanzania Dkt. John Pombe Magufuli akiwa amesimama na Spika wa Bunge la Afrika Mashariki Mhe. Martin Ngoga pamoja na Spika wa Bunge La jamhuri ya Muungano wa Tanzania Mhe. Job Ndugai wakati wa wimbo wa Taifa uliokuwa ukipigwa ndani ya ukumbi wa Bunge wa  Msekwa ambapo alihutubia katika Bunge la Afrika Mashariki (EALA) mkoni Dodoma.
 Rais wa Jamhuri ya Muungano wa Tanzania Dkt. John Pombe Magufuli akiwa amesimama na Spika wa Bunge la Afrika Mashariki Mhe. Martin Ngoga pamoja na Spika wa Bunge la jamhuri ya Muungano wa Tanzania Mhe. Job Ndugai na viongozi wengine wakati wa wimbo wa Taifa uliokuwa ukipigwa ndani ya ukumbi wa Bunge wa  Msekwa ambapo alihutubia katika Bunge la Afrika Mashariki (EALA) mkoni Dodoma.
 Spika wa Bunge la Afrika Mashariki Martin Ngoga akizungumza kabla ya kumkaribisha mgeni Rasmi Rais wa Jamhuri ya Muungano wa Tanzania Dkt. John Pombe Magufuli kuhutubia Bunge hilo la Afrika Mashariki (EALA). 
 Sehemu ya wageni waalikwa wakiwa tayari kumsikiliza Rais wa Jamhuri ya Muungano wa Tanzania Dkt. John Pombe Magufuli akihutubia Bunge hilo la Afrika Mashariki (EALA).
 Rais wa Jamhuri ya Muungano wa Tanzania Dkt. John Pombe Magufuli akihutubia Bunge la Afrika Mashariki (EALA) linalofanyika mkoni Dodoma.
 Wabunge wa EALA wakimsikiliza Rais wa Jamhuri ya Muungano wa Tanzania Dkt. John Pombe Magufuli akihutubia Bunge hilo mjini Dodoma.
  Rais wa Jamhuri ya Muungano wa Tanzania Dkt. John Pombe Magufuli akihutubia Bunge la Afrika Mashariki (EALA) linalofanyika mkoni Dodoma.
  Rais wa Jamhuri ya Muungano wa Tanzania Dkt. John Pombe Magufuli akiongozana na Spika wa Bunge la Afrika Mashariki Mhe. Martin Ngoga katika viwanja vya Bunge baada ya kuhutubia Bunge la Afrika Mashariki linalofanyika kwa mara ya kwanza katika makao makuu ya Serikali mjini Dodoma.
 Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na Spika wa Bunge la Afrika Mashariki ( EALA) Martin Ngoga pamoja na Spika wa Bunge la Jamhuri ya muungano wa Tanzania Job Ndugai mara baada ya kuhutubia Bunge la EALA mjini Dodoma.
 Rais wa Jamhuri ya Muungano wa Tanzania Dkt. John Pombe Magufuli akiteta jambo na Spika wa Bunge la Afrika Mashariki ( EALA) Martin Ngoga baada ya kuhutubia Bunge la EALA mjini Dodoma.
 Rais wa Jamhuri ya Muungano wa Tanzania Dkt. John Pombe Magufuli akiwa katika picha na Waziri Mkuu Kassim Majaliwa wa tatu kutoka kulia, Spika wa Bunge la Afrika Mashariki (EALA) Martin Ngoga wa nne kutoka kulia, Spika wa Bunge la Jamhuri ya Muungano wa Tanzania Job Ndugai wa nne kutoka kushoto mstari wa mbele pamoja na Wabunge wa Bunge la Afrika Mashariki mara baada ya kuwahutubia mjini Dodoma.

  Rais wa Jamhuri ya Muungano wa Tanzania Dkt. John Pombe Magufuli akiagana na Katibu Mkuu wa EAC Liberat Mfumukeko katika viwanja vya Bunge baada ya kuhutubia Bunge la Afrika Mashariki linalofanyika kwa mara ya kwanza katika makao makuu ya Serikali mjini Dodoma.
  Rais wa Jamhuri ya Muungano wa Tanzania Dkt. John Pombe Magufuli akisalimiana na mbunge wa EALA wa Tanzania Mhe. Fancy Nkuhi baada ya kuhutubia Bunge la Afrika Mashariki linalofanyika kwa mara ya kwanza katika makao makuu ya Serikali mjini Dodoma. Picha na IKULU

MSANII DIAMOND KUTOA BURUDANI KOMBE LA DUNIA 2018 NCHINI URUSI

 Msanii Diamond akiongea katika mkutano na waandishi wa habari jijini Dar es alaam (katikati) ni Sealouise Shayo, Meneja wa Chapa ya Coca-Cola nchini (kulia) ni Meneja wake Sallam SK.
 Msanii Diamond na Nahreel katika mkutano wa waandishi wa habari, wengine ni maofisa wa Coca-Cola na mameneja wa msanii Diamond.

April 24, 2018

Mafundi mitambo wa redio jamii watakiwa kutumia nafasi zao kuleta mabadiliko

Na Mwandishi wetu
Washiriki wa mafunzo ya ufundi mitambo ya kurushia matangazo ya redio ambayo yameshirikisha mafundi kutoka redio jamii 25 zilizopo Tanzania Bara na Zanzibar wametakiwa kutumia vyema mafunzo ili yakalete mabadiliko katika maeneo yao ya kazi.

Hayo yamesemwa na Mkurugenzi wa Idara ya Ufundi wa Shirika la Utangazaji Tanzania (TBC), Mwandisi Upendo Mbele wakati wa uzinduzi wa mafunzo hayo ya siku saba ambayo yameandaliwa na Shirika la Umoja wa Mataifa la Elimu, Sayansi na Utamaduni (UNESCO).

Mbele alisema mafunzo hayo ni muhimu kwa kuwa yatawapa uwezo wa kujua vifaa ambavyo wanavitumia katika vituo vyao na hivyo ni vyema wakayatumia vizuri ili yalete mabadiliko katika maeneo ya kazi.

"Ukiwa fundi mafunzo ni lazima, tuwashukuru UNESCO kuandaa mafunzo haya na nyie mtumieni muda wenu vizuri mkiwa hapa. Lengo kuu la kuwa hapa ni kujenga na kuboresha kile kitu ambacho hakikuwepo, unavyokuwa na upana zaidi na wewe utakuja kuwa mwalimu kwa wengine," alisema Mbele na kuongeza.

"Mkikaa pamoja tunaamini mtabadilishana ujuzi kuhusu mambo mbalimbali, lakini kama mkifika na mkawa mnatumia tu mitandao mtatoka kama mlivyoingia. Tumeambiwa kuwa tutakuja kuangalia kwenye vituo vyenu kama mafunzo mnayopewa hapa mnaelewa, maana isije mkatoka hapa alafu mkarudi kule mkawa mnafanya tofauti."

Naye mmoja wa washiriki wa mafunzo hayo ambaye ni fundi na mwandishi wa habari wa redio Kahama FM, Bakari Khaled alisema ni mambo mengi wamejifunza katika mafunzo hayo ambayo kwa namna moja au nyingine yatawasaidia kutatua matatizo ya ufundi ambayo yanawakabili.

"Tumekuwa tukinufaika na mafunzo haya, yametusaidia sana, redio jamii nyingi hazina uwezo wa kuajiri mafundi kabisa katika vituo na badala yake wana mafundi ambao wanawatumia kunapotokea tatizo, lakini kwa sisi ambao tumepata uzoefu na ujuzi huu matatizo madogo ambayo yanatokea tunayafanya wenyewe,

"UNESCO wamekuwa wakitusaidia sana, kwa sasa redio jamii zimetoka katika hatua ya chini na sasa zimekua hata kushindana na redio zengine za kibiashara, na TBC wamekuwa wakitufunza mambo mengi sana kwahiyo tukienda kujifunza pale tunaona kwa macho kwamba hiki kilitumika wakati wa analog na hiki ni digital, mafunzo haya yametujenga sana," alisema Khaled.
 Mkurugenzi wa Idara ya Ufundi wa Shirika la Utangazaji Tanzania (TBC), Mwandisi Upendo Mbele wakati wa uzinduzi wa mafunzo ya ufundi mitambo ya kurushia matangazo ya redio kwa mafundi mitambo wa redio jamii 25 kutoka Tanzania Bara na Zanzibar ambayo yameandaliwa na Shirika la Umoja wa Mataifa la Elimu, Sayansi na Utamaduni (UNESCO).
 Baadhi ya washiriki wa mafunzo ya ufundi mitambo ya kurushia matangazo ya redio kwa mafundi mitambo wa redio jamii 25 kutoka Tanzania Bara na Zanzibar ambayo yameandaliwa na Shirika la Umoja wa Mataifa la Elimu, Sayansi na Utamaduni (UNESCO).
 Washiriki wa mafunzo ya ufundi wa kurushia matangazo ya redio kwa mafundi mitambo wa redio jamii 25 kutoka Tanzania Bara na Zanzibar wakipewa maelezo kuhusu matumizi ya mitambo hiyo.

WAZIRI MHAGAMA AMTAKA MSAJILI WA VYAMA KUCHUKUA HATUA KWA VYAMA VINAVYOKIUKA SHERIA NA MIONGOZO ILIYOPO

Waziri wa Nchi Ofisi anayeshughulikia masuala ya Sera, Bunge, Vijana, Ajira na Watu wenye Ulemavu Mhe. Jenista Mhagama amemuagiza Msajili wa vyama vya Siasa kuchukua hatua kwa vyama vinavyokiuka sheria na miongozo ya vyama vya siasa.

Ametoa kauli hiyo Aprili 23, 2018 alipokuwa akitoa maelezo ya ufafanuzi juu ya hoja za ofisi yake, zilizoainishwa katika Ripoti ya Mthibiti na Ukaguzi Mkuu wa Hesabu za Serikali kwa Mwaka wa fedha unoishia Juni 30, 2018 alipokutana na  waandishi wa habari Bungeni Dodoma.

Waziri Mhagama ameelekeza kuhakikisha vyama vyenye mapungufu upande wa hesabu zao basi wawasilishe kwa Msajili wa vyama ndani ya wiki 3 hadi 4.

“Namtaka Msajili wa Vyama achukue hatua za Kisheria pasi kusita kwa chama chochote kinachokiuka sheria ya vyama vya siasa Na. 2 ya mwaka 1992”.alisema Waziri Mhagama

Aidha amemtaka Msajili wa Vyama vya siasa nchini kuhakikisha anaweka miongozo na mpango kazi ili vyama vilivyozoea kutowasilisha hesabu zao viache mara moja kwa mujibu wa sheria.

Waziri Mhagama aliongezea kuwa taarifa ya Mthibiti na Mkaguzi Mkuu wa Hesabu za Serikali ilibaini mapungufu kadhaa katika uendeshaji wa vyama vya siasa ikiwemo; Upungufu katika hesabu zilizowasilishwa chini ya viwango vya Kimataifa vya uandaaji wa hesabu katika sekta za umma na baadhi ya vyama kushindwa kuwasilisha hesabu zao kwa CAG kwa ukaguzi

Pamoja na hayo alibainisha kuwepo kwa vyama vya kisiasa visivyotumia rejista ya mali za kudumu ambapo vyama vinne ikiwemo;CHADEMA, NLD,ADC na Demokrasia Makini havina Daftari la kudumu la mali zao ikiwa ni kinyume na sheria zilizopo.

“Msajili wa Vyama nakuagiza kutoa maelekezo kwa kila chama cha siasa chenye usajili wa kudumu kuwa na regista ya mali zake ndani ya wiki tatu kuanzia kwani kukosa daftari la mali za kudumu ni kinyume na kifungu Na.14(1)(b)(ii) ya sheria ya vyama vya siasa Na.5 ya mwaka 1992.”alisisitiza Waziri.

Sambamba na hilo Waziri alimtaka Msajili wa Vyama vya siasa kuhakikisha vyama vyote  vinafuata miongozo yote ya kihasibu ili kuondokana na mapungufu ya kukosekana kwa nyaraka za malipo kama ilivyobainishwa na mkaguzi mkuu wa hesabu za serikali ambapo alibaini vyama vitatu kati ya tisa vina nyaraka pungufu ikiwemo CHADEMA, SAU na ADC.

“Msajili wa vyama ahakikishe vyama vya siasa vinatekeleza miongozo yote kihasibu pamoja na kanuni za fedha, ambazo zinaelekeza nyaraka ziwe na viambatisho sahihi kwani ripoti ilibainisha vyama vitatu vilikuwa na malipo yenye nyaraka pungufu zenye thamani ya shilingi 735,978,559 ambapo ni kinyume na miongozo ya kihasibu na kukosa uhalali wa malipo hayo.”alisisitiza Waziri Mhagama.

AWALI:

Kifungu cha 14(1)(a) na (b)(i) cha Sheria ya Vyama vya Siasa Sura ya 258 [RE: 2015] kinaelekeza kuwa, kila chama cha siasa kinapaswa kutunza taarifa za mapato na matumizi, ikiwamo taarifa za mali zake. Vile vile, kinapaswa kuwasilisha kwa Msajili wa Vyama vya Siasa, taarifa ya hesabu zake zilizokaguliwa na Mdhibiti na Mkaguzi Mkuu wa Hesabu za Serikali (CAG), pamoja taarifa ya mali zake.

Hivyo, Kifungu hicho kinampa mamlaka Mdhibiti na Mkaguzi Mkuu wa Hesabu za Serikali kufanya ukaguzi wa hesabu za kila chama cha siasa chenye usajili wa kudumu. Katika mwaka wa fedha unaoishia tarehe 30 Juni, 2017, CAG amefanya ukaguzi wa hesabu za Vyama vya Siasa kumi ikiwemo; CCM, CHADEMA, NLD, TLP, Demokrasia Makini (MAKINI), TLP, DP, SAU, AFP, CCK na ADC kati ya vyama vya siasa kumi na tisa vyenye usajili wa kudumu. Vyama vya Siasa tisa (9) havikuwasilisha hesabu zake kwake kwa wakati kwa ajili ya ukaguzi, hivyo hakukaguliwa.
 Waziri wa Nchi, Ofisi ya Waziri Mkuu (Sera, Bunge, Kazi, Vijana, Ajira na Wenye Ulemavu) Mhe.Jenista Mhagama akizungumza na waandishi wa habari juu ya Ufafanuzi wa Hoja za ofisi yake zilizoainishwa katika Ripoti ya  Mthibiti na Mkaguzi Mkuu wa Hesabu za Serikali kwa Mwaka wa fedha unoishia Juni 30, 2018 Bungeni Dodoma.
 Baadhi ya waandishi wa habari wakifuatilia mkutano ulioandaliwa na Idara ya Habari Maelezo, Kwa Mawaziri walipokutana kutoa ufafanuzi kwa baadhi ya hoja zilizoainishwa katika Ripoti ya Mthibiti na Ukaguzi Mkuu wa Hesabu za Serikali kwa Mwaka wa fedha unoishia Juni 30, 2018.
 Waziri wa Nchi, Ofisi ya Waziri Mkuu (Sera, Bunge, Kazi, Vijana, Ajira na Wenye Ulemavu) Mhe.Jenista Mhagama akiteta jambo na Waziri wa Ardhi, Nyumba na Maendeleo ya Makazi Mhe.William Lukuvi wakati wa mkutano na waandishi wa habari Dodoma Aprili 23, 2018.
Mkurugenzi wa Idara ya Habari Maelezo, ambaye pia ni Msemaji Mkuu wa Serikali Dkt.Hassan Abbas akizungumza na waandishi wa habari Bungeni Dodoma. (PICHA ZOTE NA OFISI YA WAZIRI MKUU)

MZISIMAMIE NGOs ZIFANYE KAZI: MSAJILI NGOs


Na Anthony Ishengoma WAMJW
Msajili wa Mashirika yasiyo ya Kiserikali NGOs Marcel Katemba amewataka Wasajili Wasaidizi wa Mashirika Yasiyo ya Kiserikali nchini kuzisimamia NGOs ili zifanye kazi kwa kuzingatia Sheria na taratibu za nchi.

Ameyasema hayo jijini Dar es Salaam wakati wa kikao kazi cha Wasajili Wasaidizi ili kutoka mafunzo kwa ajili ya kukumbashana majukumu yao Kama wasajili wasaidizi wa Mashirika yasiyo ya Kiserikali.

Amesema kuwa kimsingi Mashirika yasiyo ya Kiserikali bado hayatambui umuhimu wenu hivyo tutawakutanisha na Mashirika haya kwa ajili kufahamiana kiutendaji na kutambuana. 

Aidha Katemba amesema Mashirika yasiyo ya Kiserikali wakati mwingine yanakosa majibu muhimu kutoka kwa Wasajili Wasaidizi  hivyo kusababisha waone kuwa Maafisa Maendeleo ya Jamii sio watu sahihi kusimamia shughuli zao.

"Lengo la Mafunzo haya nikukumbashana mambo muhimu ambayo yatawafanya muweze kutoa majibu stahiki kwa Mashirika haya na kuyasimamia ipasavyo baada ya kujua shughuli wanazozifanya"alisisitiza Bw. Katemba.


Naye Mkurugenzi Msaidizi Idara ya NGOs ya Wizara ya Afya,Maendeleo ya Jamii,Jinsia,Wazee na Watoto Bw. Baraka Leornard amewaambia wajumbe wa mafunzo haya kutoka Halmashauri zote kuzisimamia NGOs ili ziweze kuhudumia Wananchi. 

Bwana Baraka ameongeza kuwa kimsingi mafunzo haya ni ya kuwajengea uwezo wasajili wasaidizi wa serikali ili waweze kujua utaratibu wa kusajili na kuyasimamia Mashirika haya kwa matumizi mazuri ya fedha za umma wanazopata kupitia wafadhili wao.

"Pamoja na Masharika yasiyo ya Kiserikali kupata fedha kutoka kwa wafadhili ni muhimu wakatambua fedha hizo ni mali ya umma na ninyi wasajili wasaidizi mnayo haki yakujua matumizi ya fedha hizo".Alisisitiza Bw. Baraka. 

Mafunzo kama haya yamekuwa yanatolewa nchi nzima na Msajili wa Mashirika yasiyo ya Kiserikali kwa  Wasajili Wasaidizi wa Mashirika haya ambao ni maafisa Maendeleo wa Jamii wa Halmashauri za Wilaya hapa Nchini.
 Mkurugenzi wa Idara ya Mashirika Yasiyo ya Kiserikali na Msajili wa Mashirika hayo Bw. Marcel Katemba akizungumza na Wasajili Wasaidizi wa Mashirka Yasiyo ya Kiserikali kutoka katika Halmashauri na Wilaya za Mkoa wa Dar es Salaam katika kikao baina yake na Wasajili Wasaidizi hao na wadau wa Mashirika Yasiyo ya Kiserikali kilicholenga kuboresha namna bora ya uendeshaji wa mashirika hayo mkoani humo.
 Baadhi ya Wasajili Wasaidizi wa Mashirika Yasiyo ya Kiserikali Mkoani Dar es Salaam wakifuatilia mada na mafunzo mbalimbali yaliyokuwa yakitolea na Msajili wa Mashirika hayo katika kikao kilichowakutanisha kujadili namna bora ya uendeshaji wa mashirika hayo mkoani humo kilichofanyika katika Ukumbi wa Karimjee.
 Mkurugenzi Msaidizi Usajili wa NGOs Bw. Baraka Leonard na Mkurugenzi Msaidizi Ufuatiliaji Bi. Tausi Malima wakijadiliana jambo wakati wa kikao kazi kati ya Msajili wa Mashirika Yasiyo ya Kiserikali na Wasajili wasaidizi wa Mashirika hayo mkoani Dar es Salaam kilichofanyika katika Ukumbi wa Karimjee  kilicholenga kuboresha namna bora ya uendeshaji wa mashirika hayo mkoani humo.
 Mkurugenzi wa Msaidizi Idara ya Mashirika Yasiyo ya Kiserikali Bw. Leornald Baraka akiwakumbusha washiriki mambo muhimu yanayohitaji kuzingatiwa kabla na baada ya kusajili Shirika Lisilo la Kiserikali kwa Wasajili wasaidizi wa Mashirika hayo kutoka katika Halmashauri za Mkoa wa Dar es Salaam  katika kikao kilichowakutanisha Msajili wa Mashirika Yasiyo ya Kiserikali, Wasajili Wasaidizi kilichofanyika katika ukumbi wa Karimjee kilicholenga kuboresha namna bora ya uendeshaji wa mashirika hayo mkoani humo.
 Mkurugenzi Msaidizi Ufuatiliaji NGOs Bi. Tausi Malima akizungumza na Maafisa Maendeleo ya Jamii kutoka Halmashauri za Mkoa wa Dar es Salaam na wasajili wasaidizi wa Mashirika Yasiyo ya Kiserikali mkoani humo kuhusu umuhimu wa ufuatiliaji wa ufanyaji kazi wa Mashirika Yasiyo ya Kiserikali baada ya kupata usajili wake katika kikao kilichowakutanisha Msajili wa Mashirika Yasiyo ya Kiserikali na Wasajili Wasaidizi kilichofanyika katika ukumbi wa Karimjee kilicholenga kuboresha namna bora ya uendeshaji wa mashirika hayo mkoani humo.
 Afisa Maendeleo ya Jamii na Msajili Msaidizi wa Mashirika Yasiyo ya Kiserikali katika Manispaa ya Temeke Bw. John Bwana(kushoto)akiomba ufafanuzi zaidi kuhusu masuala yahusuyo Usajili wa Mashirika Yasiyo ya Kiserikali katika kikao kilichowakutanisha Msajili wa Mashirika Yasiyo ya Kiserikali na Wasajili Wasaidizi hao mkoani Dar es Salaam kilichofanyika katika ukumbi wa Karimjee  kilicholenga kuboresha uendeshaji wa mashirika hayo kwa kuzingatia Sheria na miongozo mkoani humo.
Afisa Maendeleo ya Jamii na Msajili Msaidizi wa Mashirka Yasiyo ya Kiserikali Ofisi ya Mkuu wa Mkoa wa Dar es Salaam Bi. Given Sure(kulia) akiuliza swali kuhusu masuala yahusuyo Ufuatiliaji wa Mashirika Yasiyo ya Kiserikali kwa Msajili wa Mashirika Yasiyo ya Kiserikali nchini katika kikao kilichowakutanisha na Msajili wa NGOs na Wasajili Wasaidizi mkoani Dar es Salaam kilicholenga kuboresha uendeshaji wa mashirika hayo kwa kuzingatia Sheria na miongozo mkoani humo. Picha na Kitengo cha Mawasiliano WAMJW
Related Posts Plugin for WordPress, Blogger...