WATOTO WANAOISHI MAZINGIRA MAGUMU " MITAANI "JIJI LA ARUSHA KUWA HISTORIA

 

 

Watoto nwanaoishi katika mazingira magumu jijini Arusha wakimpongeza Mkurugenzi  wa kampuni ya utalii ya Bushbuck Safari,Mustafa Panju baada ya kuwachangia Sh 20 milioni kwenye hafla ya kuwasaidia watoto hao iliyoandaliwa na taasisi ya Gola Foundation Ltd juzi jijini Arusha.

Watoto wanaoishi katika mazingira magumu jiji la Arusha wakitoa burudani wakati wa hafla ya kuwasaidia iliyoandaliwa na taasisi ya Gola Foundation Ltd  jijini Arusha,kiasi cha Sh 20 milioni kilitolewa.

Mwanafunzi wa kidato cha Tatu,katika Shule ya Sekondari Oldadai mkoa wa Arusha,Queen Obed akisimulia ugumu wa maisha aliyopitia akiwa mitaani kabla ya kupata msamaria mwema wakati  wa hafla ya kuwasaidia iliyoandaliwa na taasisi ya Gola Foundation Ltd  jijini Arusha,kiasi cha Sh 20 milioni kilitolewa.

Filbert Rweyemamu,Arusha

Taasisi ya Gola Foundation Ltd na wafanyabishara wa jiji la Arusha wameunda  kamati maalumu ya kuwasaidia watoto wanaoishi maisha magumu itakayofanya kazi kwa kipindi cha miaka miwili ijayo.

 

Akizungumza  wakati wa hafla ya kuichangia taasisi inayowasaidia watoto na vijana kutoka kwenye mazingira ya kuishi mitaani iliyofanyika kwenye uwanja Makumbusho ya Taifa Elimu Viumbe.

Mkurugenzi wa kampuni ya kitalii ya Bushbuck ya jijini hapa,Mustafa Panju alisema maisha wanayoishi watoto hao kwa sasa kila mtu anapaswa kubeba lawama.

Alisema ili misaada inayotolewa iweze kuwa endelevu wameunda tume maalumu itakoyosimamia shughuli za fedha na kuchambua kwa ukaribu nini mahitaji ya watoto na vijana hao kwa lengo la kuwajengea misingi bora ya maisha yao.

“Tunapaswa kushirikiana kila mmoja wetu kuhakikisha tunawasaidia kuwaondoa kwenye mazingira wanayoishi ili wawe kama wananchi wengine na kamati hii itaweka mikakati ya kibiashara ambayo itakua endelevu ambayo ndani ya miaka miwili tutafanya tathmini kuona mafanikio yake,”alisema Mustafa

Mratibu wa  Gola Foundation ,Pascal Matimba alisema kupitia kikundi cha New Hope Street Kids kinasaidia watoto na vijana 120 katika mitaa mbalimali wanaosaidiwa kutoka mazingira hatarishi ambayo mara nyingi huwafanya kushindwa kupata elimu na kuishia kutumia madawa ya kulenya.

Alisema vijana hao wameonesha nia ya kubadilika na wako tayari kujishughulisha na kazi za kilimo,burudani na wengine kujiunga na vyuo vya ufundi na shule za sekondari na msingi.

Katika risala iliyosomwa na mmoja wa watoto hao,John Laiser alisema wameweza kupata bima ya matibabu na baadhi yao kupata udhamini wa masomo huku wakilaumu Polisi kwa kuwanyanyasa mitaani ambako ndio makazi yao.

Mpango huo unalenga kuwasaidia vijana hao kuwafungilia miradi ya kujiwezesha kiuchumi ,kiasi cha Sh 20 milioni kilipatikana.

Miongoni mwa wanaounda kamati hiyo ni Sailesh Pandit,Mustafa Panju,Khasim Mamboleo na Muslim Remtulah