SERIKALI YA UJERUMANI YATOA SH 92 BILIONI EAC KUSAIDIA AFYA NA ELIMU

Balozi wa Ujerumani nchini,Dk Detlef Wachter(kushoto) na Katibu Mkuu wa Jumuiya ya Afrika Mashariki(EAC),Balozi Liberat Mfumukeko(kulia) wakiweka saini makubaliano ambayo serikali ya Ujerumani itaipatia EAC kiasi cha Euro 35 milioni kwaajili ya kusaidia sekta ya Afya na Elimu kwenye makao makuu jijini Arusha ,waliosimama kutoka kushoto waliosiamama ni Naibu Katibu Mkuu wa EAC anayehusika na Huduma za Jamii,Christophe Bazivamo,Mkuu wa kitengo cha utafutaji wa rasilimali fedha,Beata Mukabaranga na Naibu Katibu Mkuu anayehusika na Miundombinu,Mhandisi Steven Mrote.Picha na Filbert Rweyemamu

Balozi wa Ujerumani nchini,Dk Detlef Wachter(kushoto) na Katibu Mkuu wa Jumuiya ya Afrika Mashariki(EAC),Balozi Liberat Mfumukeko(kulia) wakibadilishana hati makubaliano ambayo serikali ya Ujerumani itaipatia EAC kiasi cha Euro 35 milioni kwaajili ya kusaidia sekta ya Afya na Elimu kwenye makao makuu jijini Arusha .Picha na Filbert Rweyemamu

Katibu Mkuu wa Jumuiya ya Afrika Mashariki(EAC),Balozi Liberat Mfumukeko(kulia) akizungumza na waandishi wa habari baada ya kusaini hati makubaliano ambayo serikali ya Ujerumani itaipatia EAC kiasi cha Euro 35 milioni kwaajili ya kusaidia sekta ya Afya na Elimu kwenye makao makuu jijini Arusha , kushoto ni Balozi wa Ujerumani nchini,Dk Detlef Wachter.Picha na Filbert Rweyemamu

Katibu Mkuu wa Jumuiya ya Afrika Mashariki(EAC),Balozi Liberat Mfumukeko(katika) akizungumza na waandishi wa habari baada ya kusaini hati makubaliano ambayo serikali ya Ujerumani itaipatia EAC kiasi cha Euro 35 milioni kwaajili ya kusaidia sekta ya Afya na Elimu kwenye makao makuu jijini Arusha , kushoto ni Balozi wa Ujerumani nchini,Dk Detlef Wachter na kulia ni Naibu Katibu Mkuu wa EAC anayehusika na Miundombinu,Mhandisi Steven Mrote.Picha na Filbert Rweyemamu

 

 

Filbert Rweyemamu,Arusha

Serikali ya Ujerumani imetoa kiasi cha Euro 35 milioni sawa na Sh 92  bilioni kuisaidia Jumuiya ya Afrika Mashariki(EAC) kutekeleza miradi miwili ya afya na elimu katika nchi sita wananchama wa jumuiya hiyo.

Mkataba wa makubaliano hayo umesainiwa  makao makuu ya EAC kati ya Balozi wa Ujerumani nchini,Dk Detlef Wachter na Katibu Mkuu wa EAC,Balozi Liberat Mfumukeko ambaye alisema serikali ya Ujerumani imesaidia maeneo mbalimbali yakiwemo afya,huduma za famasia,biashara na forodha.

Alisema kiasi cha Euro 30 milioni zimeelekezwa kwenye mpango wa utoaji chanjo za kinga watu katika nchi zote sita ambazo ni Tanzania,Kenya,Burundi,Rwanda,Sudani Kusini na Uganda huku kiasi cha Euro 5 milioni zitaelekezwa kwenye ufadhili wa masomo ya juu.

"Msaada huu wa fedha kwaajili ya kusaidia sekta ya afya unaongeza nguvu ya mapambano ya kupunguza vifo vya watoto walio chini ya miaka mitano kwa kuwapatia huduma za chanjo kwaajili ya kinga na tangu mwaka 2013 hadi sasa kiasi cha fedha kilichotolewa kwaajili ya afya na Ujerumani kimefikia Euro 120 milioni,"alisema Mfumukeko

Kuhusu ufadhili wa elimu alisema utatekelezwa kupitia Baraza la Vyuo Vikuu katika nchi za Afrika Mashariki(IUCEA) kwa kushirikiana benki ya maendeleo ya Ujerumani(KfW) kwa lengo kuhakikisha wananchi wengi wanaelewa fursa za mtangamano wa EAC.

Kwa upande wake Balozi wa Ujerumani hapa nchini,Dk Detlef Wachter alisema serikali yake imekua na ushirikiano wenye manufaa na EAC kwa kipindi cha miaka 20 ambao umezaa matunda kwa kundoa vikwazo visivyo vya ushuru,kuwa na eneo huru la forodha na kuoanisha sheria za nchi wanachama.

Alisema wataendelea kuunga mkono miradi mbalimbali ya maendeleo ya EAC kutokana na eneo hilo kuonekana kuwa na fursa zenye kuwaletea wananchi wanaoishi katika ukanda matumaini ya kukua kibiashara na kustawi kiuchumi.