MIRADI VIPORO IKAMILIKE KABLA YA KUANZA MIRADI MIPYA –WAZIRI SIMBACHAWENE

     Waziri wa Nchi Ofisi ya Rais(Tamisemi), George Simbachawene(kulia) akiwa na Mkuu wa Wilaya ya Mpwapwa ,Jabir Shekimweri (kulia) wakati wa kikao na wananchi wa Chinyika katika ziara yake jimboni Kibakwe mkoa wa Dodoma.

Waziri wa Nchi Ofisi ya Rais (Tamisemi),George Simbachawene akitoa maagizo kwa Walimu na Wanafunzi nchini kutumia kemikali na vifaa vya maabara vilivyotolewa na Wizara ya Elimu na mafunzo ya Ufundi kwa ajili ya mazoezi ya mara kwa mara.

Waziri wa Nchi Ofisi ya Rais (Tamisemi),George Simbachawene akiwasalimia wananfunzi wa Shule ya Sekondari Chinyika wakati wa ziara yake jimboni Kibakwe

 Waziri wa Nchi Ofisi ya Rais (Tamisemi),George Simbachawene(kulia) akipokea zawadi ya Mbuzi kutoka kwa wananchi wa Kijiji cha Fufu alipofanya mkutano wa hadhara katika kijiji hicho.

   Waziri wa Nchi Ofisi ya Rais(Tamisemi),George Simbachawene(kulia)katika picha ya pamoja na baadhi ya  wananchi  wa Kijiji cha Fufu.

Nteghenjwa Hosseah, Kibakwe

Imekua ni hulka inayoendelea kukua katika Halmashauri nyingi nchini kuanzisha miradi mipya ilihali miradi viporo ikiendelea kuzorota kwa miaka kadha wa  kadha bila kukamilika huku ikiharibika na kusababisha upotevu wa Fedha zilizowekwa hapo awali.

Hali hii imebainika  katika Halmashauri ya Wilaya ya Mpwapwa wakati wa ziara ya kikazi ya Mhe. Waziri wa Nchi ofisi ya Raisi Mhe. George Simbachawene alipotembelea kijiji cha Chinyika Kata ya Mlunduzi, Tarafa ya Rudi iliyopo Katika Jimbo la Kibakwe na kukuta baadhi ya miradi kutokamilika kutokana na kutotengewa Fedha katika  Bajeti ya mwaka wa Fedha uliofuata.

Akizungumza na wananchi wa Kijiji cha Chinika Mhe Simbachawene alisema ni vyema miradi inayofadhiliwa na wadau na ile ya halmashauri kuwa na umiliki (ownership) na kuthamini nguvu na fedha zilizotumika ili hata ikiishia katikati Halmashauri husika ama wananchi wa eneo hilo kuwa na  moyo wa kuendelea kutenga fedha au kuchangia  kutoka mifukoni mwenu na kukamilisha mradi husika.

Unakuta Halmashauri inatenga Fedha kidogo kwa ajili ya mradi Fulani na unaishia katikati kasha mwaka unaofuata wa Fedha watengea miradi mipya badala ya kuhakikisha wanakamilisha ule wa awali hii inasababisha mradi ule kuharibika kwa kukaa muda mrefu hivyo fedha za Serikali kupotea bila manufaa yenye tija kwa wananchi alisema Mhe. Simbachawene.

Kuna wakati wadau wanatoa fedha kutoka kwenye mapato yake na kuamua kutatua changamoto lakini akiishia katikati basi wananchi na halmashauri hakuna anayejishughulisha ili kupata fedha za kukamilisha mradi kila mtu anaona kama hahusiki na ukamilishaji wa mradi huo hii si tabia nzuri na naikemea na kuzitaka Halmashauri zote kuiacha mara moja aliongeza Simbachawene.

Alisisitiza kuwa wakati Fulani Halmahsuri ilitoa Tsh Mil 26 kwa ajili ya  nyumba ya mwalimu (Two in One) na fedha hazikutosha: Nilitegemea Halmashauri wataingiza kwenye mpango wa bajeti mwaka unaofuata lakini hamna kitu na mpaka leo jingo hilo halijakamilika.

"Natoa Agizo kwa Halmashauri zote Tanzania kuhakikisha miradi yote iliyoanzishwa na wadau, nguvu za wananchi au Serikali kuhakikisha inakamilika kabla ya kuanzisha miradi mipya kupitia njia hii thamani ya fedha itaonekana,  tofauti ya hapo fedha zilizotumika zitapotea bila kusaidia jamii" Alisema Simbachawene.

Awali katika ziara hiyo Mkuu wa Wilaya ya Mpwapwa Mhe. Jabir Shekimweri aliwasilisha changamoto za wananchi wa Kijiji cha Chinyika kuwa ni sintofahamu ya mapato ya Mnara wa Halotel ulisimikwa katika kijiji lakini kijiji hakinufaiki na mapato, baadhi ya wananchi kushiriki kwenye Kilimo cha Bangi na Wakazi wachache kuharibu chanzo cha maji hivyo kusababisha ukosefu wa Maji kwa wananchi wote wa kijiji cha Chinyika.

Mhe.Simbachawene ameahidi kuongeza nguvu katika operesheni ya kuwakamata wale wote wanaolima Bangi katika Jimbo la Kibakwe na kuwapeleka Mahakamni yeyote atakayekamatwa kuharibu chanzo cha Maji.

Mhe. Simbachawene anaendelea na ziara yake katika Jimbo ka Kibakwe na katika siku ya pili ametembelea vijiji vya Chinyika, Chaludewa pamoja na Fufu.