JAMHURI YA MUUNGANO WA TANZANIA WIZARA YA MAMBO YA NDANI JESHI LA POLISI TANZANIA

Afisa wa Jeshi la Polisi kutoka Kitengo cha kuzuia Madawa ya Kulevya Mkoani Arusha D/Cpl Kaleb akiwaonyesha waandishi wa habari (Hawapo pichani) Magunia yaliyokuwa na madawa ya kulevya aina ya bangi iliyokuwa inasafirishwa kutoka Arusha kwenda Mkoani Tanga

 

 

TAARIFA KWA VYOMBO VYA HABARI

KUTOKA OFISI YA KAMANDA WA POLISI MKOA WA ARUSHA

TAARIFA YA UKAMATAJI WA WATUHUMIWA WAWILI WAKIWA NA MADAWA YA KULEVYA AINA YA BANGI MAGUNIA MANNE.

MNAMO TAREHE 23/09/2014 MUDA WA SAA 23:00 USIKU KATIKA MAENEO YA NDURUMA HALMASHAURI YA JIJI LA ARUSHA, JESHI LA POLISI MKOANI HAPA KUPITIA KITENGO CHA KUZUIA MADAWA YA KULEVYA TULIFANIKIWA KUWAKAMATA WATU WAWILI AMBAO NI LAIZER S/O MELAU (35) MKAZI WA ORKOKORA NA RICHARD S/O FANUEL (38) DEREVA NA MKAZI WA MIANZINI WAKIWA WANASAFIRISHA MADAWA YA KULEVYA AINA YA BANGI MAGUNIA MANNE YENYE JUMLA YA UZITO WA KILOGRAMU 173 KWA KUTUMIA GARI AINA YA TOYOTA COROLLA LENYE NAMBA ZA USAJILI T. 592 AAP.

MAFANIKIO HAYO YALIPATAKANA BAADA YA WANANCHI AMBAO NI RAIA WEMA KUENDELEA KUWA KARIBU NA JESHI LA POLISI AMBAPO WALITOA TAARIFA JUU YA TUKIO HILO NA JESHI LA POLISI MKOANI HAPA KUANZA KULIFANYIA KAZI KWA KUWEKA MTEGO MAENEO YA NDURUMA.

MARA BAADA YA KULIONA GARI HILO WALILISIMAMISHA NA WALIPOFANYA UPEKUZI WALIYAONA MAGUNIA HAYO MANNE NDANI YA GARI HILO, KATI YA HAYO MATATU YALIKUWA KWENYE ‘’SEAT’’ YA KATIKATI NA MOJA LILIKUWA KWENYE ‘’BOOT’’.

KATIKA MAHOJIANO WATUHUMIWA HAO WALIKIRI KUHUSIKA NA TUKIO HILO NA WALISEMA KWAMBA, WALIKUWA WANAYAPELEKA MKOANI TANGA. UPELELEZI WA TUKIO HILI BADO UNAENDELEA NA MARA UTAKAPOKAMILIKA WATUHUMIWA HAO WATAFIKISHWA MAHAKAMANI. AHSANTENI KWA KUNISIKILIZA.

IMETOLEWA NA KAMANDA WA POLISI MKOA WA ARUSHA

KAMISHNA MSAIDIZI MWANDAMIZI WA POLISI

(SACP) LIBERATUS SABAS

TAREHE 25/09/2014.