KADINALI PENGO ALILIA AMANI KUTOWEKA

Filbert Rweyemamu,Arusha

Miili ya waumini wa kanisa Katoliki la Mtakatifu Joseph Mfanyakazi Parokia ya Olasiti,Jimbo Kuu la Arusha imezikwa leo na kugubikwa na majonzi makubwa.

Vilio vilitawala baada ya wasifu wa marehemu kusomwa hasa wa Patricia Joachim Assey aliyekuwa mwanafunzi wa darasa la tatu katika Shule ya Msingi Elerai na kumuona Pacha mwenzake Patrce akilia sana.

Pia mwanafunzi mwingine James Gabriel Kessy aliyekua anasoma kidato cha tatu katika Shule ya Sekondari Arusha Day alisababisha kilio kikubwa kwa waombolezaji.

Katika hatua nyingine Mwadhama Polycap Kadinali Pengo aliwataka wakristo kutolipiza ubaya kwa ubaya bali wema kwa ubaya kama maandiko matakatifu yanavyosema na kuwa kwa kusema hivyo haimanishi serikali iache wajibu wake wa kulinda watu na mali zao na kutokomeza ugaidi.

Viongozi mbalimbali waliohudhuria mazishi hayo pamoja na maaskofu wa madhehebu mbalimbali,viongozi wa serikali wakiongozwa na waziri Mkuu Mizengo Pinda,Waziri wa Mambo ya Ndani,Dk Emmanuel Nchimbi,Naibu Waziri wa Ardhi,Nyumba na Makazi,Godluck Ole Medeye na Naibu Waziri wa  Tamisemi,Agrey Mwandry.