MKUU WA MKOA WA ARUSHA,MAGESA MULONGO AWATAKA WAZAZI KUHAKIKISHA WATOTO WAO WANAPATA CHANJO YA POLIO

Na Filbert Rweyemamu,Arusha

Mkuu wa mkoa wa Arusha,Magesa Mulongo amewataka wazazi kutumia wiki ya chanjo kuwapeleka watoto kupewa matone dhidi ya magonjwa mbalimbali ukiwemp wa Polio.

Ametoa kauli hiyo leo wakati wa uzinduzi wa chanjo watoto walio chini ya umri wa miaka mitano mkoa wa Arusha katika Kijiji cha Mbuyuni Kata ya Oljoro,wilayani Arumeru

Amewataka viongozi wa vijiji kuweka sheria ndigondogo zitakazowabana wananchi ambao watakaidi kuwapeleka watoto kupata chanjo hiyo muhimu inayogharimiwa na serikali kwa wananchi wake.

Mulongo amesema kutokana na chanjo hizo kutolewa baadhi ya magonjwa yametoweka kabisa na zilizokuwa Wodi za magonjwa hayo katika hospitali ya mkoa ya Mount Meru zinatumika kwa mambo mengine.

Awali Mganga Mkuu wa mkoa wa Arusha,Frida Mokiti alisema mwitikio wa chanjo kwa mkoa wa Arusha unaridhisha kutokana na takwimu za mwaka jana kuwa miongoni mwa mikoa minne iliyofanya vizuri kitaifa huku wilaya ya Ngorongoro ikivuka asilimia 100.

Amesema utoaji wa chanjo hizo ni mkakati wa wizara ya Afya na Ustawi wa Jamii kuhakikisha nchi inafikia lengo namba nnela millennia la kupunguza vifo vya watoto kwa theluthi mbili sanjari na kuzitaka halmashauri zote kufanikisha zoezi hilo kwa kiwango cha asilimia 95 kwa kila chanjo.

Kauli mbiu ya wiki ya chanjo kwa mwaka huu ni "Okoa Maisha.Kinga Ulemavu.Toa Chanjo