MAHAKAMA YA HAKI ZA BINADAMU YA AFRIKA YAVUTIA WASOMI KUJIFUNZA

Mwandishi Wetu,Arusha

Mahakama ya Haki za Binadamu ya Afrika(AfCHR) yenye makao yake jijini Arusha,Tanzania imesema inakabiliwa na changamoto ya  kutokufahamika kwa wananchi wengi Afrika huku kikwazo kikiwa ni uchache wa  nchi 28  pekee  zilizoridhia na kusaini  Itifaki kati ya nchi 52.

Naibu Msajili wa Mahakama hiyo ambaye ni raia wa Burkina Faso,Nouhou Diallo amesema hayo leo wakati akizungumza na wanafunzi wa Chuo cha African Nazarene University(ANU)cha nchini Kenya waliofika kujifunza namna taasisi hiyo inavyotimiza wajibu wake.

Amesema kati ya nchi hizo 28 ni 7 pekee zilizotoa tamko la kuridhia Watu binafsi na Asasi za kiraia kufungua kesi dhidi ya nchi zao katika mambo yanayohusiana na ukikwaji wa haki za binadamu.

"Hii ni changamoto kubwa kama unavyojua hali ya ukiukwaji wa haki za binadamu ilivyo katika Bara la Afrika,tunahitaji kuona nchi nyingi zikitoa tamko kuruhusu raia wake na Asasi zisizo zikipata nafasi ya kufanya hivo,"alisema Diallo

Diallo amezitaka Asasi zisikuwa za kiserikali na vijana kuchochea mabadiliko chanya yatakayoleta mabadiliko halisi katika nchi za kiafrika kwa kuweka umuhimu wa kuheshimu haki za binadamu.

Kiongozi wa msafara huo ambaye ni Mhadiri Mwandamizi,Wakili James Mamboleo ameiomba mahakama hiyo kutoa elimu zaidi ya uelewa kwa wananchi hasa wanafunzi wa elimu ya juu ili ieleweke vema kwa wananchi.

Naibu Msajili wa Mahakama ya Kiafrika ya Haki za Binadamu(AfCHR)Nouhou Dialo akizungumza na wanafunzi  wanaosoma  Sheria  katika Chuo cha  African Nazarene University(ANU) , Nairobi nchini Kenya  waliofanya ziara ya kujifunza juu ya  utendaji kazi wa Mahakama hiyo yenye makao yake Jijini Arusha leo,wengine ni Mhadhiri wa Chuo hicho,James Mamboleo na Afisa Uhusiano Mwandamizi wa AfCHR,Sukhdev Chatbar.

Baadhi ya Wanafunzi  wanaosoma  Sheria  katika Chuo cha  African Nazarene University (ANU), Nairobi nchini Kenya  walimsikiliza  Naibu Msajili wa Mahakama ya Kiafrika ya Haki za Binadamu(AfCHR)Nouhou Dialo .

 Wanafunzi  wanaosoma  Sheria  katika Chuo cha  African Nazarene University(ANU) , Nairobi nchini Kenya  walimsikiliza  Afisa Uhusiano Mwandamizi wa  AfCHR,Sukhdev Chatbar wakati akiwatambulisha maeneo mbalimbali ya Mahakama hiyo.

 Mmoja wa wanafunzi akifurahia kitabu kwenye Maktaba ya Mahakama hiyo leo

Wanafunzi  wanaosoma  Sheria  katika Chuo cha  African Nazarene University(ANU) , Nairobi nchini Kenya  wakiangalia baadhi ya Kesi zilizowahi kufunguliwa  katika Mahakama hiyo.