MAMA AMKIMBIA MWANAE BAADA YA KUMWONA ANA ULEMAVU ARUSHA,AOMBA MSAADA

Mtoto Charles ambaye amezaliwa ubongo wake ukiwa nje,msaada wako utaokoa maisha yake

Bibi wa mtoto,Stella Juma na Shangazi wa mtoto,Elizaberh wakiomba msaada

Mkazi wa Kata ya Magugu,wilaya ya  Babati Mkoa wa Manyara,Stella Juma anaomba wasamaria kusaidia matibabu ya mjukuu wake wa umri wa wiki mbili aliyezaliwa akiwa na ulemavu kichwani.

Mtoto huyo alizaliwa April 27,mwaka huu katika hospitali ya wilaya ya Meru,Patandi mkoa wa Arusha,Ubongo wake ukiwa nje na mdomo ukiwa umepasuka hali iliyosababisha mama mzazi ,Tausi  Khamis kukataa  kumnyonyesha baada ya kumwona ana ulemavu.

Akiwa ameambatana na mtoto ake mkubwa,Elizabeth anaowaomba wasamaria wema kusaidia gharama za matibatu katika hospitali ya rufaa ya Selian jijini Arusha kwani hawezi kumudu gharama hizo kutokana na baba wa mtoto huyo ambaye ni kijana wake kuwa bado ni mwanafunzi.