WATAALAMU WASEMA EAC YAKOSA UFANISI

Na Ronald Njoroge,EANA 

Arusha, Nchi zote tano wanachama wa Jumuiya ya Afrika Mashariki (EAC) inakabiliana na tatizo la ufanisi mdogo katika kazi.

Waziri wa Kazi wa Kenya, Kazungu Kambi alisema kwamba hivi sasa nchi yake imewekwa katika kiwango cha ufanisi wa kazi wa kipimo cha 2.2.

Nchi nyingie zilizosalia za Tanzania, Uganda, Rwanda na Burundi ufanisi wake unafanan au uko chini ya kiwango chicho cha Kenya.

Hali hiyo ni tofauti kabisa ukilinganisha na Afrika Kusini ambayo imefikia kiasi cha 5.5 wakati Japani kwa upande wake imefikia kiwanga cha ufanisi wa kazi cha 7.5.

Kambi aliliambia Jukwaa la Ufanisi wa Kazi jijini Nairobi kwamba kanda ya Afrika Mashariki inahitaji kuwekeza katika ujuzi na uwezo wa kuongeza ufanisi katika kazi.

''Inatakiwa pia waweze kuimarisha mikakati itakayowezesha uchumi wao kuwa endelevu,'' alisema.

Ufanisi mzuri wa kazi unahitaji kuwekeza vya kutosha ili kuzalisha vya kutosha kwa gharama nafuu.

Katika ngazi ya kitaifa, ufanisi wa kazi unapimwa kutokana na kuchukua Pato la Taifa kwa Mwaka (GDP) gawanya kwa kila mtu mmoja wakati katika ngazi ya kampuni pato lake hupimwa kutoka ni kiwango halisi cha bidhaa zinazozalishwa na kugawanywa kwa idadi ya wafanyakazi.

Mwaka huu wa 2014 nchi zote za Afrika Mashariki zimetimiza miaka 50 ya uhuru wake.

Hata hivyo nchi zote hizo zinakabiliwa na tatizo linalofanana la ufanisi mdogo wa kazi ikiwa ni pamoja na kutegemea vifaa duni vya uzalisha na teknolojia.

Kutokana na hali hiyo, EAC inathirika vibaya kutokana na kuingizwa kwa bidhaa nyingi kutoka nje kutoka kwa mataiafa yenye gharama ndogo za uzalisha hususan ni Asia.