SHYROSE BHANJI AWATAKA WANAWAKE KUTUMIA FURSA ZA BIASHARA NDANI YA EAC

Mbunge wa Tanzania katika Bunge la Afrika Mashariki(EALA)Shrose Bhanji akizungumza kwenye hafla ya chakula cha usiku iliyoandaliwa na Alicia K Designs katika ukumbi wa Mezaluna jijini Arusha.

Mbunge wa Tanzania katika Bunge la Afrika Mashariki(EALA)Shyrose Bhanji(wa pili kulia)akiwasha Mshumaa kM ishara ya upendo wakati wa hafla ya usiku iliyoandaliwa na Alicia K Designs,kutoka kushoto ni Mkurugenzi wa taasisi hiyo,Alicia Matasia,Mwanamitindo ambaye ni mke wa Naibu Waziri wa Maliasili na Utalii,Faraja Kota Nyalandu na Mjasiriamali wa jijini Arusha,Isabela Mwampamba.

Mbunge wa Tanzania katika Bunge la Afrika Mashariki(EALA)Shyrose Bhanji(wa pili kulia)na Mwanamitindo,Faraja Kota Nyalandu wakikata Keki wakati hafla ya Chakula cha jioni,iliyofanyika Mezaluna jijini Arusha.

Mbunge wa Tanzania katika Bunge la Afrika Mashariki(EALA)Shyrose Bhanji(wa pili kulia)akimlisha Keki Mjasiriamali wa jijini Arusha,Isabela Mwampamba wakati wa hafla ya usiku iliyoandaliwa na Alicia K Designs,shoto ni Mkurugenzi wa taasisi hiyo,Alicia Matasia na Mwanamitindo ,Faraja Kota Nyalandu.

Burudani ya nguvu ilikuwepo kuwafanya wasichana na wananwake waliohudhuria kuburudika vilivyo.

 

Mkurugenzi wa Alicia K Designs,Alicia Matasia akitoa neno la shukrani kwa wageni waliofika kwenye hafla hiyo.

 

 

 

Na Mwandishi wetu,Arusha

Mbunge wa Tanzania kwenye bunge la Afrika Mashariki(EALA)Shyrose Bhanji amewataka wanawake kutumia fursa zinazopatikana kwenye mtangamano wa Jumuiya ya Afrika Mashariki kufanyabiashara katika nchi wanachama ili kuongeza mafanikioa yao.

Akizungumza kwenye hafla iliyofanyika kwenye ukumbi wa Mezaluna,jijini Arusha jana usiku amesema wafanyabiashara wa Tanzania hawajafanya vya kutosha kutumia fursa za ushirikiano huo kufanya biashara na nchi jirani.

"Wanawake wenzangu nimeshangaa kuona hapa hakuna anayefanya biashara katika nchi wanachama wa EAC,wakati mwingine nitakuja na wataalamu watakaowapa mafunzo maalumu yatakayowapa mwanga wa kujua namna ya kutumia fursa hii muhimu kukuza pato lenu na taifa kwa ujumla.

Kwa upande wake,Mkurugenzi wa Alicia K Designs walioandaa hafla hiyo ambayo ilikua na wazungumzaji watano,Alicia Matasia amesema lengo la taasisi yake ni kuwafanya wanawake kuondoa hofu bali kujiamini na kufanya ujasiriamali na kuwa matajiri wakubwa.