Rweyemamu info blog: Matokeo ya mechi ya Simba Vs Yanga yapo hapa pamoja na mechi nyingine za Ligi Kuu Sept 26 (+Pichaz)

Jumamosi ya September 26 ni siku ambayo ilikuwa ikisubiriwa kwa hamu na mashabiki na wapenzi wa soka Tanzania, kwani ndio siku ambayo tumepata nafasi ya kuona mechi ya kihistoria ya watani wa jadi Simba dhidi ya Yanga mchezo uliochezwa uwanja wa Taifa Dar Es Salaam.

Wachezaji wa Yanga wakishangilia goli la Amissi Tambwe upande wa mashabiki wa Simba

Kabla ya kuchezwa kwa mechi hiyo ya kihistoria ambapo klabu ya Simba ndio ilikuwa timu mwenyeji wa mchezo huo, Simba na Yanga wamewahi kukutana mara 79, lakini klabu ya Dar Es Salaam Young Africans kwa mujibu wa rekodi inaonekana kuwa mbabe kwa kuifunga Simba mara 29, huku Simba wakiwa wamewahi kuifunga Yanga mara 23 na kutoka sare mara 27. Hii ndio rekodi ambayo Simba na Yanga ziliingia uwanjani zikiwa zinaijua.

Golikipa wa Yanga Ali Mustapha akitoa mpira katika eneo la hatari

Mchezo umemalizika kwa klabu ya Dar Es Salaam Young Africans kuibuka na ushindi wa jumla ya goli 2-0 dhidi ya watani wao wa jadi Simba, magoli ya Yanga yalifungwa na Amissi Tambwe dakika ya 44 kipindi cha kwanza baada ya kupokea pasi nzuri kutoka kwa Malimi Busungu na kuandika goli la kwanza.

Mbuyu Twite akitolewa nje na daktari wa Yanga Juma Suphian baada ya kuonyeshwa kadi nyekundu.

Goli la pili lilifungwa na Malimi Busungu kwa shuti kali lililomshinda golikipa wa Simba Peter Manyika na kuingia wavuni dakika ya 79. Mechi ilimalizika kwa Mbuyu Twite kupewa kadi nyekundu baada ya kuchelewesha muda ukizingatia alikuwa na kadi ya manjano.