Aliamua kujibadilisha umbo lake ili kukwepa mikono ya sheria..lakini Polisi hawakumuacha!!

Mwaka 2013 Mario Sergio Machado Nunes, ambaye ni mmoja wa wauzaji wakubwa wa dawa za kulevya Brazil aliwazidi ujanja polisi na kutoroka gerezani.

Baada ya kutoroka gerezani aliamua kwenda kufanyiwa upasuaji na kubadilisha umbo lake huku akitumia vitambulisho feki ili asiweze kukamatwa.

Headlines za sasa ni kwamba Polisi wa nchini hiyo wamemtia mikononi mtuhumiwa huyo na sasa yupo chini ya ulinzi mkali baada ya kumkamata akiwa katika jumba moja la kifahari katika mji wa pwani wa Guajura.

Sergio maarufu kama “O Goiano” amekuwa akisafirisha madawa ya kulevya kati ya Marekani Kusini na Afrika akishirikiana na mlanguzi maarufu wa madawa ya kulevya raia wa Colombia Pablo Escobar.