LUKUVI AMEANZA ZIARA MKOANI ARUSHA

Waziri wa Ardhi, Nyumba na Maendeleo ya Makazi Mhe. William Vangimembe Lukuvi akiingia jengo la Utawala la Mkoa wa Arusha ili kukutana na Uongozi wa Mkoa huo kupata taarifa ya Mkoa inayohusu migogoro ya ardhi.

Waziri wa Ardhi, Nyumba na Maendeleo ya Makazi Mhe. William Vangimembe Lukuvi akipokelewa na Uongozi wa Mkoa wa Arusha alipowasili kufanya ziara ya kusikiliza na kutatua kero za ardhi zilizoko katika Halmashauri mbalimbali za Mkoa huo.

Baadhi ya watendaji na viongozi mbalimbali wa Halamashauri za Mkoa wa Arusha wakimsikiliza Waziri wa Ardhi, Nyumba na Maendeleo ya Makazi Mhe. William Lukuvi alipowakutanisha katika Hoteli ya Naura Springs kuzungumzia kero na migogoro ya ardhi katika mkoa huo kwa nia ya kuipatia ufumbuzi wa haraka.

Waziri wa Ardhi, Nyumba na Maendeleo ya Makazi Mhe. William Vangimembe Lukuvi akielezea mambo mbalimbali yahusuyo ardhi na mipangomiji kwawatendaji wa Mkoa wa Arusha(hawapo pichani) alipozungumza nao kwenye hoteli ya Naura Springs Arusha jana. Waziri Lukuvi amesisitiza nidhamu ya kazi na kufuata sheria katika kuhudumia wananchi masuala yahusuyo ardhi.

Waziri wa Ardhi, Nyumba na Maendeleo ya Makazi Mhe. William Vangimembe Lukuvi akikabidhiwa makabrasha yenye kero mbalimbali za ardhi zilizowasilishwa kwake kwa ufasaha mkubwa na Mkoa wa Arusha kupitia Mpima Ardhi wa Mkoa wa Arusha Bw. Hamdoun Mansoor.

Mbunge wa Arumeru Magharibi Mhe. Goodluck Ole Medeye naye alikuwepo hoteli ya Naura Spring kuzungumzia migogoro ya ardhi inayowakabili wananchi kwenye mkutano ulioandaliwa na Waziri wa Ardhi, Nyumba na Maendeleo ya Makazi Mhe. William Vangimembe Lukuvi

Mbunge wa Arusha Mhe. Godbless Lema naye alikuwepo hoteli ya Naura Spring kuzungumzia migogoro ya ardhi inayowakabili wananchi kwenye mkutano ulioandaliwa na Waziri wa Ardhi, Nyumba na Maendeleo ya Makazi Mhe. William Vangimembe Lukuvi.

Mbunge wa Arumeru Mashariki Mhe. Joshua Nassari naye alikuwepo hoteli ya Naura Spring kuzungumzia migogoro ya ardhi inayowakabili wananchi kwenye mkutano ulioandaliwa na Waziri wa Ardhi, Nyumba na Maendeleo ya Makazi Mhe. William Vangimembe Lukuvi.

Mkuu wa Mkoa wa Arusha Felix Ntibenda akiwakemea watendaji wa ardhi Mkoani Arusha kutokana na umangimeza wao unaowafanya kushindwa kutatua kero za ardhi na kusababisha migogoro mingi ya ardhi mkoani humo. Alisema maafisa ardhi na mipango miji wanalalamikiwa sana na wananchi.

Waziri wa Ardhi, Nyumba na Maendeleo ya Makazi Mhe. William Vangimembe Lukuvi akiongea na waandishi wa habari katika eneo lenye mgogoro wa ardhi lililoko mpaka wa Longido, Monduli na Arumeru eneo la Oldonyosambu Arusha. Waziri ameahidi kukutana na wanasiasa wa Mkoa wa Arusha ili kumaliza mgogoro huo.

Waziri wa Ardhi, Nyumba na Maendeleo ya Makazi Mhe. William Vangimembe Lukuvi akionyeshwa na Mpima Ardhi wa Mkoa wa Arusha Bw. Hamdoun Mansoor ramani yenye mipaka katika maeneo yanayobishaniwa kwenye mgogoro wa ardhi kati ya Wilaya za Arumeru, Monduli na Longido.

Arusha.

Waziri wa Ardhi,Nyumba na Maendeleo ya Makazi,William Lukuvi ameipa mwezi mmoja  halmashauri ya wilaya ya Meru mkoa wa Arusha kufanya tathmini ya mashamba 11 yenye ukubwa wa zaidi ya hekari 7,000 ambayo Rais alifuta hati milki zake ili yatolewe kwa wananchi.

Kauli hiyo imetolewa jana kwenye kikao cha viongozi wa halmashauri tatu za Jiji la Arusha,Arusha DC na Meru katika ziara ya siku ya kutatua migogoro ya ardhi ambayo imekua kero kwa muda mrefu.

“Kuna mashamba 11 ambayo Rais amefuta umiliki wake wa awali kutokana na kukiuka sheria,nataka mfanye tathmini ya mali na maendelezo na sio ardhi,ardhi ni mali ya Rais ambayo ameishaichukua,hivyo mtakapofanya tahmini mzingatie hilo,”alisema Lukuvi

 

Alisema katika kuwaondolea kero wananchi kupata ardhi kwa gharama nafuu watakaopata mashamba hayo ataondoa kodi kuu ambayo ana mamlaka nayo lengo likiwa kuwawezesha kupata ardhi ambayo wengi wao wamekua wakiishi kama manamba.

Mbunge wa Arumeru Magharibi,Godluck Ole Medeye alisema migogoro ya ardhi imekua ya muda mrefu ambayo imekua kero  na kusababisha uvunjifu wa amani jambo ambalo halina tija kwa nchi.

Alisema migogoro ya mipaka wilaya ya Arumeru ,Monduli na Longido ni mfano mbaya ambao wananchi wanaoishi kwenye maeneo hayo unawakosesha utulivu wa kujiendeleza.

Kwa upnde wake Mbunge wa Arusha Mjini,Godbless Lema alisema wizara ya Ardhi na Wizara ya Ulinzi na Jeshi la Kujenga Taifa likae pamoja kuona umuhimu wa kuhamisha kambi ya Jeshi ya Tanganyika Packers kuhamishwa kwani sio busara kuwa katikati ya makazi kutokana na jiji la Arusha kukua kuelekea Kusini ambao wapo kwenye shamba la Themi holding Group.

Katika hatua nyingine Lukuvi alisema serikali imetanga kiasi cha Sh 8 bilioni kutengeneza ramani ya mipango miji kwenye majiji ya Mwanza na Arusha ili iendane na miji mingine kimataifa.

Awali  Afisa Ardhi wa Mkoa wa Arusha,Hamdun Mansoor alitaja baadhi ya migogoroinayotishia amani kuwa ni pamoja mgogoro wa mpaka mikoa ya Arusha na Simiyu kwenye Kijiji cha Kakesio wilaya za Ngorongoro na Meatu,Shamba la Valesca lililopo wilaya ya Arumeru na shamba la Ndarakwai ambalo liko wilaya ya Longido na Hai mkoa wa Kilimanjaro.

Migogoro mingine ni tamko la kuanzishwa hifadhi za taifa bila kuchora ramani jambo linaloingiza baadhi ya vijiji ndani ya hifadhi hizo na kusababisha migogoro.