WATOTO 4 WANUSURIKA KIFO BAADA YA KULIPUKIWA NA MLIPUKO

 Mtoto Emmanuel Mwingira (7) mkazi wa mtaa wa Kiwandani Mbinga mjini,

akiwa amelazwa katika Hospitali ya wilaya ya Mbinga mkoa wa Ruvuma,

baada ya kulipukiwa na Vilipushi[detonator] ambavyo vimesadikiwa kuwa

hutumika kulipulia miamba,  wakati alipokuwa akicheza nawenzake na

kusababisha kuumia mkono wake wa kulia na sehemu mbalimbali zamwili

wake. Huyo ni mmoja kati ya watoto sita ambao walio patwa na mkasa huo

NA AMON MTEGA wa Demashonews

 

 WATOTO wanne kati ya sita wamenusurika kifo, wilaya Mbinga mkoani

Ruvuma baada ya kuwalipukia  viripushi vinavyodaiwa kuwa ni vya

kulipulia miamba ( detonator) ambavyo vimewajeruhi vibaya, wakati

mwenzao mmoja akiwa amekishika na kunganisha nyaya  na betri na nyaya

walipokuwa wanacheza pamoja. 

 Akiongea na wandishi wa habari jana ofisini kwake kamanda wa Polisi

wa mkoa wa Ruvuma Mihayo Msikhela,  alisema kuwa, tukio hilo lilitokea

Januari 2 mwaka huu  majira ya saa 5:30 asubuhi katika mtaa wa

Kiwandani mjini Mbinga, wakati watoto hao wakiwa wanachezea vilipushi

hivyo walivyoviokota kwenye jalala. 

Msikhela alikitaja kitu hicho kuwa ni vilipushi ambavyo vinadaiwa kuwa

 vinatumika na watafiti wa madini migodini au walipuaji baruti, huku

akieleza kuwa tukio hilo ni la bahati mbaya ambapo liliwakumba watoto

hao baada ya kuokota kifaa hicho jalalani. 

 Alisema kuwa vilipushi hivyo hivyo havihusiani kabisa na masuala ya

mabomu kama baadhi ya watu walikuwa wakidhania kuwa ni bomu kumbe

sivyo 

Akiwataja watoto waliolipuliwa kuwa ni Philiberth Mbungu (10),

Augustino Millanzi (5), Geofrey Ndunguru (8) na Emmanuel Mwingira (7)

ambao wote wameumizwa sehemu mbalimbali huku wengine wawili Ayubu

Methew (10) na Hassan Mapangi (5) wakiwa na majeraha ya kawaida

mwilini. 

 Msikhela  alifafanua kuwa mfawidhi wa mtoto Philiberth na Augustino

wamepelekwa  katika hospitali ya mkoa Songea kwa matibabu zaidi kwa

kuwa walikuwa wamejeruhiwa vibaya sehemu za usoni ,machoni . 

Aidha alisema  kuwa Geofrey na Emmanuel wanaendelea kupatiwa matibabu

katika hospitali ya wilaya ya Mbinga, ambapo nao wamejeruhiwa usoni na

mikononi na wanaendelea na matibabu. 

Kamanda wa Polisi wa mkoa wa Ruvuma, Mihayo Msikhela alisema uchunguzi

unaendelea juu ya tukio hilo na alitoa wito kwa wananchi wa mkoa huo

kuwa waangalifu na watoto wasiwaachie wakitembea hovyo, hivyo pale

wanapoona kitu chenye muunganiko wa nyaya wasikiguse bali watoe

taarifa mapema kwenye vyombo vya usalama ambavyo vipo karibu nao.