HABARI MPYA !!! MBUNGE WA ARUMERU MASHARIKI APATIWA MATIBABU HOSPITALI YA SELIANI-ARUSHA

Mbunge wa Arumeru Mashariki akiwa hospitalini jioni hii

Mbunge wa Arumeru Mashariki, Joshua Nassari muda huu amepigwa na kujeruhiwa vibaya damu zinamtoka Puani, amepigwa na vijana wa kisomali, katika eneo la Zaburi kata ya Makuyuni Jimbo la Monduli, Taarifa za awali

 zinasema baada ya Nassari kuondoka na gari  jingine, waliokuwa wanafuatana naye walienda kujibanza sehemu.

 Kiongozi wa Chadema aliyetambulika kwa jina la Teddy Ndossi na dereva wa Nassari. Dereva wa Nassari Guardian  Palangyo amepigwa mdomoni amevunjwa meno mawili, na kwa sasa wamempiga Katibu wa Chadema wa eneo hilo anayeitwa Kilongola, wapo Kituo cha Polisi Makuyuni kutafuta msaada zaidi.

Mwenyekiti wa Chadema wilaya ya Monduli ,Amani Sironga amesema kupitia kituo cha Radio Sunrise cha jijini Arusha kuwa wasomali hao wamekua wakimfatilia kwa muda mrefu baada ya kujulikana Nassari ndiye Wakala Mkuu wa Chadema katika Kituo hicho.

Habari za uhakika zinasema mbunge huyo hivi sasa amelazwa katika hospitali ya Arusha Lutheran Medical Center maarufu kwa jina la Selian kwa matibabu zaidi .

NASSARI ALONGA
Akiongea na Blog hii Mbunge huyo  amesema ameponea chupchupu kupoteza maisha baada kushushiwa kipigo kikali na kufanikiwa kuwatishia kwa silaha aliyokuwa nayo na kukimbia.

Amedai kuwa baada ya kufanikiwa kuondoka na gari lake akiwa na anafatwa na watu hao alifanikiwa kuliacha gari eneo Makuyuni mjini na kuchukua pikipiki kuelekea Minjingu akiwa anaugulia maumivu makali.

"Baada ya kufika Minjingu nilijitambulisha kwa askari wa doria waliokuwepo na baadaye kufanikiwa kurudi Arusha kwa njia ninayoijua mimi,"alisema

Hospitali ya Arusha Lutheran Medical Center(Selian)alikolazwa mbunge wa Arumeru Mashariki,Joshua Nassari