HALMASHAURI ZA ARUSHA ZATAKIWA KUTUNZA MAZINGIRA

Na  Mustafa  Leu,  Arusha.

HALMASHAURI za wilaya mkoani Arusha, zimetakiwa kuhakikisha zinasimamia sheria ya misitu  kikamilifu ili kudhibiti  ukataji miti hovyo sanjari na kuhakikisha zinatoa hati miliki za misitu kwa vijiji  ili misitu isikatwe hovyo na kuharibu mazingira.

Kauli hiyo imetolewa na jana na mkuu wa wilaya ya Arumeru,Nyirembe Munasa , alipokuwa akizindua kampeni ya mkoa wa Arusha, ya upandaji miti iliyofanyika katika kata ya Olerien eneo la Sakina ,katika halmashauri ya Arusha DC.

Akizindua kampeni hiyo kwa niaba ya mkuu wa mkoa wa Arusha, Magesa Mulongo, Munasa, amesema mkakati wa serikali mkoani humo ni kuhakikisha inapandwa miti mingi ya asili kwa lengo la kutunza na kuimarisha Ikolojia ya uoto wa asili.

Amesema kuwa ili miti isikatwe hovyo lazima halmashauri zihakikishe zinasimamia sheria ya misitu ipasavyo ikiwemo miti ya asili ,ambayo uoto wake umeshaanza kutoweka kutokana na kuharibiwa kunakosababishwa na ukataji miti hovyo katika maeneo mbalimbali na misitu ..

Amesema mkoa huo unakabiliwa na changamoto kubwa ikiwemo mwamko mdogo wa wananchi unaotokana na utamaduni katika swala zima la kupanda miti na kuhifadhi mazingira 

Mkuu huyo wa wilaya amekiri kuwa mkoa huo mwaka jana haukufikia lengo la kupanda miti milioni 1.5 ambapo mkoa umepanda miti milioni 1.4 tu 

Amelipongeza shirika la Youth With A Mission ( YWAM)lenye makazi yake wilayani Arumeru,  kwa kutoa miti  194,880,  ambayo ni asili aina ya Jakaranda, ambayo imepandwa katika kampeni hiyo katika maeneo mbalimbali mkoani humo.

Awali Afisa maliasili  mkoa wa Arusha, Julius Achula, alisema kuwa mkoa huo mwaka huu umepanga kupanda miti milioni 5.5 ikiwemo ya asili ambayo imewekewa mkazo zaidi.

Amesema kulingana na takwimuza upandaji miti mkoa huo umefanikiwa kupanda miti milioni 4,140,000 ambayo ni sawa na 79%  kila mwaka yautekelezaji wa lengo la kupanda miti milioni 5,230,000 

Amesema , wilaya nyingi mkoani humo zimeshindwa kufikia malengo ya kupanda miti milioni 1,5000,000 kutokana na changamoto mbalimbali  ambazoni pamoja na mabadiliko ya tabianchi, ambayo yanaathiri ukuaji wa miti.

Changamoto zingine ni mifugo inayozurura hovyo, na kuharibu miti, shughuli za kilimo, kando kando ya ya vyanzo vya maji, ufinyu wa bajeti ,ukataji wa miti iliyopandwa ,uhaba wa vitendea kazi  pamoja na mwamko mdogo walionao baadhi ya wananchi katika swala zima la utunzaji wa miti.

Amesema mkoa kwa kushirikiana na asasi binafsi unaendelea kuelimisha wananchi umuhimu na faida za upandaji miti katika maeneo yao.Kauli mbiu ya mwaka huu ni “tupande miti ili tuhifadhi mazingira kwa maendeleo endelevu “